Камянецкая раённая турысцкая база на 60 месцаў адкрыта ў в. Бучамль - 3 у верасні 2016 года (у 11 км ад г. Камянец, 35 км ад Брэста, 38 км ад Белавежскай пушчы) і з'яўляецца структурным падраздзяленнем Камянецкага раённага цэнтра турызму і краязнаўства. Маляўнічае месца, дзе размяшчаецца турбаза, спрыяльна адбіваецца на адпачынку дзяцей і дарослых, дазваляе адключыцца ад гарадской мітусні, убачыць прыгажосць і непаўторнасць прыроды.
У Камянецкім раёне створаны ўсе ўмовы для тых, хто прывык жыць актыўна і падарожнічаць, належачы на крэпасць рук і плячо сябра. Вы можаце выпрабаваць на сабе хараство водных і пешых, лыжных і веласіпедных паходаў, паспрабаваць сябе на трасе спартыўнага арыентавання. Да вашых паслуг-спартыўны скаладром, стралковы трэнажор і лазертаг! Можна выбраць тое, што трэба для шчасця, здароўя і актыўнага адпачынку менавіта вам! Старажытная і самабытная, гасцінная і ласкавая Камянецкая зямля, Цнатлівыя лясы спакойныя рэчкі, блакітныя вочы азёр і бязмежныя, да гарызонту, палі сустрэнуць вас, як старых сяброў!
Работнікі цэнтра дапамогуць вам арганізаваць свой вольны час і выдатна правесці час. Да вашых паслуг-арганізацыя экскурсій па Камянецкім раёне, паходаў па прапанаваных маршрутах, правядзенне спаборніцтваў па розных відах турызму, арганізацыя гульнявых праграм, а таксама пражыванне на базе, падрыхтоўка ежы на вогнішчы, вечары турысткай песні і іншыя культурныя праграмы.
Мы чакаем вас і вашых сяброў! Наш адрас:
Камянецкі раён, в. Бучамля -3, вул. Школьная 6/1
тел. 8(016) 31 97092, 8 (016)3167 152
электронная пошта: rctik@kamenec.edu.by
turbaza.kamenec@mail.ru